அரசு பள்ளிகளில் பணிப்புரியும் இடைநிலை ஆசிரியர்களுக்கு PG TRB ல் 10 சதவீதம் இட ஒதுக்கீடு வழங்கி ஊதிய முரண்பாட்டை மூடி மறைக்கும் அரசின் முயற்சி!! ஒரு பார்வை...

நேற்று வெளியிடப்பட்ட அரசாணையில் PG TRB ல் 10% இட ஒதுக்கீட்டை இடைநிலை ஆசிரியர்களுக்கு வழங்கியிருக்கிறது.ஊதிய முரண்பாட்டை மிகத்தெளிவாக உணர்ந்து தங்கள் உரிமையை மீட்க போராட்டக்களங்களிலும் சமூக வளைத்தளங்களிலும் தீவிரமாக செயல்பட்டு வரும் 2009 க்கு பிறகான இடைநிலை ஆசிரியர்களை ஈடுக்கட்டும் முயற்சியில் அரசு இறங்கியுள்ளதை இந்த அரசாணை ஊர்ஜிதப்படுத்தியுள்ளது.இந்த முயற்சியை பல கோணங்களில் ஆராய்ந்து பார்த்தால் நிச்சயம் இது 2009 பிறகான இ.ஆசிரியர்களை சமாதானப்படுத்தும் முயற்சியாகவே தெரிகிறது.எனவே அரசுக்கு இடைநிலை ஆசிரியர்களின் ஊதிய முரண்பாடு தொடர்பான அனைத்து தகவல்களும் போயிருப்பதாகவே தெரிகிறது.இதை கருத்தில் கொண்டே அரசு அரசாணையை வெளியிட்டிருக்கிறது.
 இது கண்டிப்பாக 2009 க்கு பிறகு நியமிக்கப்பட்ட ஆசிரியர்களுக்கு மட்டுமே பயன்படும் காரணம் 2009 க்கு முன்பு நியமிக்கப்பட்ட இடைநிலை ஆசிரியர்கள் முதுகலை ஆசிரியர்களின் ஊதியமான(9300-4800) மற்றும் அகவிலைப்படி இவற்றை சேர்த்து மொத்த ஊதியத்தை விட அதிகமாகவே தற்போது பெறுகிறார்கள் ஆனால் 2009 பிறகான இ.ஆசிரியர்களின் ஊதியத்தின் நிலைமை நாம் யாவரும் அறிந்ததே! 
ஆகவே எனதருமை இ.ஆசிரிய தோழர்களே அரசின் இந்த அறிவிப்பாணை நமக்கெல்லாம் சிறதளவு மகிழ்ச்சி தான் எனிலும் அரசின் இந்த ஈடுசெய்யும் முயற்சியை நாம் கவனமாக உற்றுநோக்க வேண்டும்.நாம் ஊதிய முரண்பாடில்லாமல் நமக்கான ஊதியமான (9300-4200) அப்போதே பெற்றிருந்தால் இப்போது முதுகலை ஆசிரியர்களின் மொத்த சம்பளத்தை விட 10 ஆயிரம்கூடுதலாக பெற்றிருப்போம்.
எனவே தமிழக அரசை நம் கல்வித்தகுதிக்கான ஊதியத்தை தருமாறு வேண்டும் போராட்டங்களை இன்னும் தீவிரமாக முன்னெடுப்போம் வாருங்கள்.நமக்கு போராட்டத்தை பற்றி சிந்திக்கும் எண்ணத்தை மாற்றி தேர்வு பற்றி சிந்திக்கும் எண்ணத்தை அரசு உருவாக்கியிருப்பதை தயவுசெய்து உணர்ந்துக்கொள்க.
இந்த அரசாணை வேண்டும் தான் இ.ஆசிரியர்களுக்கு
( 9300-4200) கொடுத்தப்பிறகு இந்த அரசாணை வேண்டும் தான்.....

இந்த அரசாணை ஏன் இடைநிலை ஆசிரியர்களுக்கு மட்டும் இட ஒதுக்கீடு வழங்குகிறது?

பட்டதாரி ஆசிரியர்களுக்கு ஏன் 10%வழங்க வில்லை? 
காரணம் இது தான் பட்டதாரி ஆசிரியர்களுக்கும் முதுகலை ஆசிரியர்களுக்கும் இடையில் சம்பள வேறுபாடு வெறும் ரூ 200.ஆனால் இ.ஆசிரியர்களுக்கும்(2009 பிறகான) மு.ஆசிரியர்களுக்கும் இடையில் சம்பளவேறுபாடு 13000/-
பட்டதாரி ஆசிரியர்களுக்கு இது தேவையில்லை காரணம் அவர்களின் சம்பளம் மு. க.ஆ- க்கு நிகரானது.பாதிக்கப்பட்ட இ.ஆ- களுக்கு இந்த வாய்ப்பை வழங்குவோம் என அரசு முடிவெடுத்திருக்கிறது.எனவே நம் பாதிப்பை அரசு உணர்ந்துவிட்டதை
அரசுக்கு நம் இழப்பு தெரிந்து விட்டதை இதன் மூலம் மிகத்தெளிவாக உணரலாம்...

தொடக்க கல்வித்துறை கலந்தாய்வில் மாற்றங்கள் : ஆசிரியர்கள் வரவேற்பு !!

தொடக்க கல்வித்துறை கலந்தாய்வில் மாற்றங்கள் : ஆசிரியர்கள் வரவேற்பு
தொடக்க கல்வித்துறை ஆசிரியர்களுக்கான, மாவட்டங்களிடையே பணிமாறுதல் கலந்தாய்வில், இந்தாண்டு பின்பற்றப்பட்ட புதிய மாற்றங்களை ஆசிரியர்கள் வரவேற்றனர்.


 தொடக்க கல்வியில், இடைநிலை ஆசிரியர்களுக்கான மாவட்டம் விட்டு மாவட்டத்திற்கான பணி மாறுதல் கலந்தாய்வில் இம்முறை, 'ஒரு மாவட்டத்தில் இருந்து மாறுதல் கேட்ட 
ஆசிரியர் வேறு மாவட்டத்தில் ஒரு இடத்தை தேர்வு செய்யும்போது ஏற்கெனவே அவர் இருந்த இடம் 'காலி' என அடுத்த நொடியில் ஆன்லைனில் காண்பிக்கப்படும் முறை அமல்படுத்தப்பட்டது.

அதேபோல் மண்டலம் 'ஏ', 'பி', 'சி', 'டி', என மாவட்டங்கள் பிரிக்கப்பட்டு, கலந்தாய்வில் விண்ணப்பிக்கும் ஆசிரியர்கள் சம்பந்தப்பட்ட மண்டலத்திற்கு உட்பட்ட மாவட்டங்களில் மட்டுமே பணி மாறுதல் கோர முடியும் என்ற நிலை இருந்தது. இந்த நடைமுறையும் மாற்றப்பட்டு, எந்த மண்டலத்திற்கு உட்பட்ட மாவட்டங்களிலும், காலி இடங்களை ஆசிரியர்கள் தேர்வு செய்யலாம் என பின்பற்றப்பட்டது.

பழைய முறையில் கலந்தாய்வு ஒரே நாளில் நடக்கும். இதனால் நள்ளிரவு, அடுத்த நாளை தாண்டி கலந்தாய்வு தொடரும். ஆனால், இந்தாண்டு சீனியாரிட்டி அடிப்படையில் முதல் நாளில் ஒன்று முதல் ஆயிரம், இரண்டாம் நாளில் 1000 முதல் 2000 பேர், அதற்கு மேல் உள்ளவர்கள் மூன்றாவது நாள் என மூன்று கட்டங்களாக கலந்தாய்வு நடத்தப்பட்டது.

பள்ளிக்கல்வித்துறை அமைச்சர் செங்கோட்டையன், செயலாளர் உதயசந்திரனின் இந்த முயற்சி, ஆசிரியர்களிடம் வரவேற்பை பெற்றுள்ளது.

இந்த மாற்றங்கள் குறித்து ஆசிரியர்கள் கூறியதாவது: மாவட்டம் விட்டு மாவட்டம் மாறுதல் கலந்தாய்வில் பின்பற்றப்படும் முறை வரவேற்கத்தக்கது. முந்தைய கலந்தாய்வில், ஒரு மாவட்டத்தில் எதிர்பார்த்த பணியிடம், சீனியாரிட்டி அடிப்படையில் வேறு ஒருவர் எடுத்து விட்டால், அடுத்த வாய்ப்பு இருக்காது என கலந்தாய்வு அறையை விட்டு ஆசிரியர் வெளியேறி விடுவர். அந்த இடங்கள் மறைக்கப்பட்டு, பின் பல லட்சம் ரூபாய் பேரம் பேசப்படும்.

ஆனால் தற்போதைய நடைமுறையில், அந்த மாவட்ட ஆசிரியர், வேறு மாவட்டத்திற்கு மாறுதலாகி சென்றால், அவரது காலி இடம் அடுத்த நொடியில் ஆன்லைன் கலந்தாய்வில் காண்பிக்கப்படுகிறது. இதனால் அடுத்தடுத்த வாய்ப்பு ஆசிரியர்களுக்கு கிடைக்கிறது, என்றனர்.

பலிபீடத்தின் கருணை !! ( இடைநிலை ஆசிரியர்களே சிந்தீப்பீர் )

பலிபீடத்தின் கருணை !! ( இடைநிலை ஆசிரியர்களே சிந்தீப்பீர் )

நண்பர்களே... இடைநிலை ஆசிரியர்களுக்கு PG TRB இல் 10% இடஒதுக்கீடு என்ற நேற்றைய அறிவிப்பால் உணர்ச்சிவசப்பட்டு  அகமகிழ்ந்திட வேண்டாம்.....

யாருமே கேட்காத போது  ஏன் இந்தஇடஒதுக்கீடு?

 கடந்த ஆறாவது ஊதியக்குழுவில் மிகவும் பாதிக்கப்பட்ட இடைநிலை ஆசிரியர்களின் ஊதிய இழப்பை சரிசெய்ய பத்தாண்டுகளாக அனைத்து ஆசிரியர் சங்கங்களும் போராடி வரும் நிலையில் அடுத்த ஊதியக்குழுவில்
இந்த வேறுபாடு களையப்படும் என்ற குறைந்தபட்சநம்பிக்கையோடு இடைநிலை ஆசிரியர்கள் காத்துக் கொண்டிருக்கையில் அரசின் தன்னிச்சையான இந்த  அறிவிப்பு வரப்போகும் பேராபத்துக்கு கட்டியம் கூறுகிறது. இடைநிலை ஆசிரியர் ஊதிய விகிதத்தில் இருக்கும் ஆசிரியர்கள் என்று குறிப்பிட்டு கூறுவதால் ஊதிய விகிதத்தை மாற்றியமைத்து நேர்செய்யும் எண்ணத்தில் அரசு இல்லை என்பது அப்பட்டமாக வெளிப்பட்டுள்ளது. அடுத்த ஊதியக்குழு பரிந்துரை எப்படி அமையும் என்பதற்கு இது சான்றளிக்கிறது. அடுக்கிய மூட்டையில் அடிமூட்டையாய் வீழ்ந்து கிடக்கும்  இடைநிலை ஆசிரியர்களின் வேதனையை தீர்க்காமல் PG TRB இடஒதுக்கீடு என்று ஆசை காட்டி ஏமாற்ற அரசு துணிந்துள்ளது. அதுவும் UG அல்ல; PG மட்டும். இடைநிலை ஆசிரியர் நிலையில் உள்ள பிற ஆசிரியர் என்று சொன்னாலும் ஓவிய, தையல், உடற்கல்வி ஆசிரியர்கள் போன்ற சிறப்பாசிரியர்களுக்கு PG இல் என்ன வாய்ப்புள்ளது? ஓரிரு இடைநிலை ஆசிரியர்களுக்கு சில வாய்ப்புகளை தந்து விட்டு ஊதிய கோரிக்கையை கைகழுவப் பார்க்கிறது. இதில் மயங்கி கிடந்தால் வாழ்நாள் முழுவதும் இடைநிலை ஆசிரியர்கள் மீண்டெழவே முடியாது. ஒன்றுபட்ட போராட்டமே இழந்த ஊதியத்தை மீட்டெடுக்கும்...
இல்லாத அரசின் கருணையை எதிர்பார்த்துக் கையேந்தி நின்று கொண்டிருக்கப் போகிறோமா? தட்டிப் பறித்த உரிமைகளை எட்டிப் பிடிக்க கரமுயர்த்தி முன்னேறப் போகிறோமா?

ஊழியர்களின் நலன்மீது
அரசின் அக்கறை எந்தளவு இருக்கிறது என்பதை சமீபத்திய போக்குவரத்து ஊழியர்களின் வேலைநிறுத்தம் நமக்கு  தெளிவுபடுத்தியுள்ளது. நம்மிடம் பிடித்த CPS உள்ளிட்ட தொகையைக் கூட கொடுக்க முன்வராத அரசாங்கம் நமது ஊதிய முரண்பாட்டை நமக்கேற்றவாறு வழங்க முன்வருமா?

இடைநிலை ஆசிரியர்கள் வாழ்வாதாரம் காக்க ஆசிரியர் சமூகம் ஒன்றுபட்டு களமிறங்க வேண்டியது அவசியம். அவசரமும்கூட...  ஆசிரிய சங்கங்களே விரைவாக அடுத்தகட்ட நடவடிக்கையை முன்னெடுங்கள்....

(இந்த ஊதியக்குழு என்னஅபாயங்களை யாருக்கு வழங்க உள்ளதோ? )



இன்று நாம் போராட வீதிக்கு வராவிட்டால் வருங்காலம் நம்மை இழுத்து வந்து தெருவில் நிறுத்தும்...

- விஜி, கிருஷ்ணகிரி.

மாணவர் சேர்க்கையை அதிகரிக்க பள்ளிக்கல்வித்துறையால் வெளியிடப்பட்டுள்ள "WHATSAPP GROUP VIDEO"

https://drive.google.com/file/d/0B9vI3zgChya6R2FwTVNUS1V6Vnc/view

இ .நி .ஆசிரியர்களின் மத்திய அரசுக்கு இணையான ஊதியக் கனவு நிறைவேற ஒரே தீர்வு

இ .நி .ஆசிரியர்களின் மத்திய அரசுக்கு இணையான ஊதியக் கனவு நிறைவேற ஒரே தீர்வு ஆறாவது ஊதியக் குழு அமல்படுத்திய நாளிலிருந்து 2800 தர ஊதியத்தை 4200 ஆக மாற்றி அதனை தற்பொழுது வரை கருத்தியலாக கணக்கிட்டு, பிறகு 7வது ஊதியக் குழு பரிந்துரைக்கும் ஊதியத்தில் நிர்ணயம் செய்தலே சிறந்த தீர்வு. 75 % சதவிகித ஆசிரியர்களின் ஊதியப் பிரச்சனைக்கு நிரந்தரத் தீர்வு. இதனை நோக்கியே அனைத்து சங்கங்களையும் பயணிக்க வைப்போம். அறிவித்த பிறகு எதுவும் செய்ய முடியாது. அரசின் கஜானா காலி என்ற காரணத்திற்கும் இம் முடிவு நிச்சயம் தீர்வாக அமையும். நாம் தற்பொழுது பெற்று வரும் ஊதியத்திற்கு 2.62 முறையில் கணக்கிட்டால் - 7 வது ஊதியக் குழுவில் மத்திய அரசுக்கு இணையான ஊதியம் என்றாகி விடும். இதை எவ்வாறு ஏற்றுக் கொள்வது? 6 வது ஊதியக் குழுவில் திருத்தம் செய்து மத்திய அரசுக்கு இணையான ஊதியம் பெற்ற பிறகு, புதிய ஊதியம் நிர்ணயம் செய்தலே இ.நி.ஆசிரியர்களின் ஊதியம் மத்திய அரசுக்கு இணையான ஊதியத்திற்கு சமமாகும். ஜுன் 5 க்குள் ஆசிரியர், ஊழியர் சங்கங்களின் ஊதிய நிர்ணய கோரிக்கைகளை அரசு கேட்டுள்ளது. ஜுன் 30க்குள் அரசு புதிய ஊதியக் குழு விற்கு இறுதி வடிவம் கொடுத்து விட முடிவாற்றியுள்ளது. அதற்குள் இக்கோரிக்கை அனைத்து ஆசிரியர் சங்கங்களின் உறுதி வடிவமாக்கி அரசுக்கு அனுப்பி வைக்க ஒன்றிணைந்து செயல்படுவோம். இறுதி வெற்றி நமதாக இருக்கட்டும்...

கர்நாடகாவுக்கு தலைவலி ஆரம்பம்...

கர்நாடகாவுக்கு தலைவலி ஆரம்பம்..! ஊட்டியில் அணை கட்ட கோரி திரண்டு வரும் இளைஞர்கள்..! தேசிய புரட்சியாக உருவெடுப்பதால் பதறும் அரசு..! நாம் ஊட்டியில் இருந்து தண்ணீர் செல்லும் வழித்தடத்தை மறித்து அணையை கட்டினாலே போதும். கர்நாடகாவிடம் கையேந்தும் நிலை வராது. இது தமிழக விவசாயிகளின் எதிர்பார்ப்பு இதுதான். தற்போது இந்த கோரிக்கையானது தமிழகம் முழுக்க வலுத்துள்ளது. விவசாயிகள் போராட்டம் நடந்து வரும் இந்த வேளையில் வறட்சியை போக்கி நீர்வளத்தை பாதுகாக்க தேவையான நடவடிக்கைகளை எடுக்க வேண்டும் என்ற கோரிக்கை எழுந்துள்ளது. ஊட்டியில் அணை கட்ட வேண்டும் என்ற கோரிக்கை தமிழர்களிடையே பரவி வரும் தகவல் கர்நாடகாவை அதிர்ச்சிக்கு உள்ளாக்கி உள்ளது. இந்த பிரச்னையை தமிழக இளைஞர்கள் கையில் எடுத்து போராட்டம் நடத்த திட்டமிட்டுள்ளனர். இனியாவது தமிழக அரசு புரிந்து கொண்டு நமது நீர் நமக்கே என்கிற முறையில் ஊட்டியில் அணைக்கட்டி விவசாயிகளின் வாழ்வில் செழிப்பை உண்டாக்க வேண்டும் என்று எதிர் பார்க்கின்றனர். Copy paste செய்து பதிவிடுங்கள் பகிருங்கள். 🔥காட்டுத்தீயாக பரவட்டும்.🔥

அஞ்சல் துறையில் 1193 வேலை: ஜூன் 6க்குள் விண்ணப்பிக்க அழைப்பு

இந்திய அஞ்சல் துறையின் கேரள அஞ்சல் வட்டத்தில் நிரப்பப்பட உள்ள 1193 ஜிடிஎஸ் பணிக்கான அறிவிப்பு வெளியிடப்பட்டுள்ளது. இதற்கு பத்தாம் வகுப்பு தேர்ச்சி பெற்றவர்களிடமிருந்து ஜூன் 6க்குள் ஆன்லைனில் விண்ணப்பங்கள் வரவேற்கப்படுகின்றன. பணியிடம்: கேரள மாநிலம் மொத்த காலியிடங்கள்: 1193 பணி: Gramin Dak Sevaks (GDS) தகுதி: பத்தாம் வகுப்பு தேர்ச்சி அல்லது அதற்கு இணையான கல்வித்தகுதி பெற்றிருப்பவர்கள் விண்ணப்பிக்க தகுதியானவர்கள். வயதுவரம்பு: 18 - 40க்குள் இருக்க வேண்டும். தேர்வு செய்யப்படும் முறை: மெரிட் லிஸ்ட் தேர்வு செய்யப்பட்டு அதிலிருந்து நேர்முகத் தேர்வுக்கு அழைக்கப்பட்டு அதிலிருந்து தகுதியானவர்கள் தேர்வு செய்யப்படுவார்கள். விண்ணப்பக் கட்டணம்: பொது மற்றும் ஓபிசி பிரிவினருக்கு ரூ.100. மற்ற அனைத்து பிரிவினருக்கும் கட்டண விலக்கு அளிக்கப்பட்டுள்ளது. ஆன்லைனில் விண்ணப்பிப்பதற்கான கடைசி தேதி: 10.06.2017

6-ம் வகுப்பு முதல் கணினி வழியாக கல்வி கற்பிக்க திட்டம்: செங்கோட்டையன் பேட்டி 6-ம் வகுப்பு முதல் கணினி வழியாக கல்வி கற்பிக்க திட்டம்: செங்கோட்டையன் பேட்டி அரசு பள்ளிகளில் 6-ம் வகுப்பு முதல் கணினி வழியாக கல்வி கற்பிக்க திட்டம் என செங்கோட்டையன் கூறியுள்ளார். 2 நாட்களில் அதிகாரப்பூர்வ அறிவிப்பு வெளியிடப்படும் என செங்கோட்டையன் பேட்டியளித்துள்ளார். 11-ம் வகுப்பில் தேர்ச்சி பெறாத பாடத்தை 12-ம் வகுப்பு படிக்கும் போது எழுதலாம் என கல்வித்துறை அமைச்சர் செங்கோட்டையன் தகவல் தெரிவித்துள்ளார்.

தொடக்க, நடுநிலைப் பள்ளிக்கு 40 ஆயிரம் தூய தமிழ் அகராதிகள்

அரசு மற்றும் உதவிபெறும் தொடக்க, நடுநிலைப் பள்ளிகளுக்கு இந்த கல்வியாண்டில் 40 ஆயிரம் துாய தமிழ் அகராதிகள் வழங்கப்பட உள்ளன. தாய்மொழி பற்றை வளர்க்க, நல்ல தமிழ் சொற்கள் கொண்ட அகராதி தயாரிப்பதற்கு, சொற்பிறப்பியல் அகரமுதலி திட்ட இயக்குனர் தலைமையில் வல்லுனர் குழு அமைக்கப்பட்டது. அக்குழு பரிந்துரையில் ஒன்று முதல் ஐந்தாம் வகுப்பு வரை பயிலும் மாணவர்களுக்கு கற்பிக்கும் வகையில் துாயதமிழ் அகராதியை தமிழறிஞர்கள் தயாரித்து உள்ளனர். இதில், வண்ணப்படங்களுடன் ஏராளமான தமிழ்சொற்கள் இடம்பெற்றுள்ளன. அரசு மற்றும் உதவிபெறும் பள்ளிகளுக்கு 40 ஆயிரம் அகராதிகள் இலவசமாக வழங்கப்படுகின்றன. குறிப்பிட்ட பாடவேளையில் மாணவர்களுக்கு துாய தமிழ்ச் சொற்கள் கற்பிக்கப்படும். இந்த அகராதிகள் தற்போது உதவி தொடக்கக் கல்வி அலுவலகங்களுக்கு அனுப்பப்பட்டு வருகின்றன. கல்வித்துறை அதிகாரி ஒருவர் கூறியதாவது: தற்போது தமிழ்மொழியில் அதிகளவில் வடமொழி, ஆங்கிலச் சொற்கள் கலந்துள்ளன. அவற்றையே தமிழ்சொற்களாக பாவிக்கும் நிலைஉள்ளது. இதனால் பிறமொழி கலக்காத துாய தமிழ்சொற்களை ஆரம்பக் கட்டத்திலேயே மாணவர்களுக்கு கற்பிக்க ஏற்பாடு செய்யப்பட்டுள்ளது என்றார்.

ஒரு மாணவனுக்கு ஒரு மரம்: கவர்னர் அறிவுரை

ஒரு மாணவனுக்கு, ஒரு மரம் என்ற திட்டத்தை முனைப்புடன் செயல்படுத்த வேண்டும்,'' என, கவர்னர் வித்யாசாகர் ராவ் அறிவுறுத்தினார். நீலகிரி மாவட்டம், ஊட்டியில், மூன்று நாட்கள் நடந்த, 121வது மலர் கண்காட்சி, நேற்று நிறைவு பெற்றது. விழாவில், கவர்னர் வித்யாசாகர் ராவ் பேசியதாவது: ஊட்டியில் பல வண்ண மலர்கள், சுற்றுலா பயணியரின் கண்களுக்கு விருந்தாக அமைந்துள்ளன. பழமையான தாவரங்களை பாதுகாப்பதில், இந்தியா முக்கிய பங்காற்றி வருகிறது. அதிகரித்து வரும் மக்கள் தொகை, வேகமாக பெருகி வரும் தொழிற்சாலைகள் மற்றும் நகரமயமாதல் காரணமாக, புவி வெப்ப மயமாகி, கால நிலை மாறுபட்டு வருகிறது. நம் நாட்டின் பசுமை பரப்பை அதிகரிக்க, 'ஒரு மாணவனுக்கு ஒரு மரம்' என்ற திட்டத்தை, முனைப்புடன் மேற்கொள்ள, மாணவர்கள் முன்வர வேண்டும். சென்னை, ஊட்டி ராஜ் பவன்களில், அரிய வகை மரம், செடி, கொடிகள் தொடர்பான தொகுப்பு, புத்தக வடிவில் வெளியிடப்பட்டுள்ளது. அதை, மக்கள் வாங்கி, நல்ல முறையில் பயன்படுத்தி, இயற்கையை பாதுகாக்க முன் வர வேண்டும். இவ்வாறு அவர் பேசினார்.

7-வது சம்பள கமி‌ஷன் பரிந்துரைப்படி மத்திய அரசு ஊழியர்களுக்கு இந்த வாரம் அலவன்ஸ் அறிவிப்பு வெளியாகிறது !

மத்திய அரசு ஊழியர்களுக்கு 7-வது சம்பள கமி‌ஷன் சிபாரிசுப்படி சம்பள உயர்வு அளிக்கப்பட்டது. இதில் 196 விதமான அலவன்ஸ் (படிகள்)களை சம்பள கமி‌ஷன் மாற்றி அமைத்து சிபாரிசு செய்து இருந்தது. இதை அமல்படுத்துவது தொடர்பாக ஆலோசனை வழங்க நிதித்துறை செயலாளர் அசோக் லவசா தலைமையில் கமிட்டி அமைக்கப்பட்டது.



இந்த குழுவானது ஊழியர்களுக்கான அலவன்ஸ்களை மாற்றி அமைத்தது. இதை அமல்படுத்துவது குறித்து பொருளாதார வல்லுனர்களுடன் மத்திய நிதி அமைச்சகம் ஆலோசனை நடத்தியது.

திருத்தி அமைக்கப்பட்ட அலவன்ஸ்கள் விவரம் அறிவிப்பதாக மத்திய அரசு ஊழியர்கள் ஆவலுடன் எதிர்பார்த்து காத்து இருக்கிறார்கள். ஊழியர் சங்கங்களும் மத்திய அரசுக்கு கோரிக்கை விடுத்து வந்தன.

இந்த நிலையில் இந்த வாரம் அலவன்ஸ்கள் தொடர்பான அறிவிப்பு வெளியாகும் என்று மத்திய அரசு ஊழியர் சங்க நிர்வாகி ஒருவர் தெரிவித்தார். இது தொடர்பாக குழு அளித்த பரிந்துரைகளை மத்திய அரசு ஏற்றுக் கொண்டு இருப்பதாகவும் கூறினார்.

இது தொடர்பான பொருளாதார விவகாரங்களுக்கான துறையின் ஆலோசனை கூட்டம் மந்திரி சபை செயலாளர் பி.கே.சின்கா தலைமையில் நடந்தது. இதில் உள்துறை, நிதித்துறை, சுகாதாரம் மற்றும் குடும்ப நலம், ரெயில்வே உள்ளிட்ட துறைகளின் செயலாளர்கள் கலந்து கொண்டனர்.

மத்திய அரசு ஊழியர்களின் நலனில் பிரதமர் மோடி அக்கறை செலுத்தி வருவதாகவும் திருத்தி அமைக்கப்பட்ட அலவன்ஸ் வழங்குவதற்காக மத்திய அரசு ரூ.29,300 கோடி நிதி ஒதுக்கீடு செய்திருப்பதாகவும் மத்திய அரசு அதிகாரி ஒருவர் தெரிவித்தார்.

பள்ளி ஆசிரியர்களுக்கான கலந்தாய்வு நாளை முதல் தொடக்கம் !!

தொடக்க, நடுநிலைப் பள்ளி ஆசிரியர்களுக்கான பொதுமாறுதல், பதவி உயர்வுக்கான கலந்தாய்வு திங்கள்கிழமை முதல் (மே 22) தொடங்குகிறது.

நடுநிலைப் பள்ளி தலைமை ஆசிரியர்களுக்கான பொது மாறுதல், பதவி உயர்வு, பட்டதாரி ஆசிரியருக்கான பணிநிரவல், பொது மாறுதல் 
ஒன்றியத்துக்குள், பட்டதாரி ஆசிரியருக்கான பதவி உயர்வு, பட்டதாரி ஆசிரியருக்கான பொது மாறுதல் கலந்தாய்வு (மாவட்டத்துக்குள் ஒன்றியம் விட்டு ஒன்றியம்) மே 22-ஆம் தேதி நடைபெறுகிறது.

தொடக்கப் பள்ளி தலைமையாசிரியர்களுக்கான பொது மாறுதல், தொடக்கப் பள்ளித் தலைமை ஆசிரியர்களுக்கான பதவி உயர்வு கலந்தாய்வு மே 23-ஆம் தேதியும், இடைநிலை ஆசிரியர்களுக்கான பணிநிரவல் கலந்தாய்வு மே 24-ஆம் தேதியும் நடைபெறுகிறது.

இடைநிலை ஆசிரியர்களுக்கான பொது மாறுதல் (ஒன்றியத்துக்குள்), இடைநிலை ஆசிரியருக்கான பொது மாறுதல் கலந்தாய்வு (மாவட்டத்துக்குள் ஒன்றியம் விட்டு ஒன்றியம்) மே 25-ஆம் தேதியும், பட்டதாரி ஆசிரியருக்கான பொது மாறுதல் கலந்தாய்வு (மாவட்டம் விட்டு மாவட்டம்) மே 26-ஆம் தேதியும் நடைபெறும்.

மாவட்டம் விட்டு மாவட்டம் மாறுதல் கோரும் இடைநிலை ஆசிரியருக்கான பொது மாறுதல் கவுன்சிலிங் மே 29, 30-ஆம் தேதி நடைபெறும் என மாவட்டத் தொடக்கக் கல்வி அலுவலர் அலுவலக செய்திக் குறிப்பில் தெரிவிக்கப்பட்டுள்ளது.

DFC project

கொடைக்கானலில் மலர் கண்காட்சி துவங்கியதை முன்னிட்டு பிரையன்ட் பூங்காவில் மலர்களுடன் செல்பி எடுத்து மகிழ்ந்த சுற்றுலா பயணி.

கொடைக்கானல் கோடை விழாவை முன்னிட்டு ஏரியில் படகு சவரி செய்து மகிழ்ந்த சுற்றுலா பயணிகள்

திருப்பூர் காந்தி நகரில் மின்சார டிரான்ஸ்பர்மரில் சிக்கி இறந்த ஆண் மயில்.

திருப்பூர் நல்லூர் நகராட்சி எதிரில் குடிநீர் குழாய் வால்வுகளில் இருந்து வீணாகும் குடிநீர்.

மதுரையில் நடந்த போலீஸ் எழுத்து தேர்வை கமிஷனர் சைலஷ்குமார் யாதவ் பார்வையிட்டார்.

தூர் வாரும் பணி: : கோவையில் செங்குளத்தில் தூர் வாரும் பணி நடந்தது.

சைக்கிள் பயணம்: : கொடைக்கானல் கோடை விழாவை முன்னிட்டு சைக்களில் பயணித்த சுற்றுலா பயணிகள்.

முதல் பட்டமளிப்பு விழா: : கோவை சட்ட கல்லூரியில் முதல் பட்டமளிப்பு விழாவில் பட்டம் வாங்கிய சந்தோஷத்தில் செல்பி எடுக்கும் மாணவர்கள்

வாத்து வெற்றி: : கொடைக்கானல் கோடை விழாவில் இரண்டாவது நாள் வாத்து பிடிக்கும் போட்டியில் யாரும் பிடிக்க முடியாததால் வாத்தே வெற்றி பெற்றது

சிறந்த பூங்கா : ஊட்டி தாவரவியல் பூங்கா , மலர் கண்காட்சியில் , தமிழக கவர்னர் வித்யாசாகர் ராவ் அரசு நிறுவன சிறந்த பூங்காவிற்கான கோப்பையை வழங்கினார். படம்.ஒய்.ஜே.ரகு.

அரசு பள்ளி மாணவர்களுக்கு ஸ்மார்ட் கார்டு; இனி டி.சி., தேவைபடாது: அமைச்சர் செங்கோட்டையன்

கோபிசெட்டிபாளையம்: அரசு பள்ளி மாணவர்களுக்கு ஸ்மார்ட் கார்டு வழங்கும் திட்டம் அறிமுகப்படுத்தப்படவுள்ளதாகவும், இனி பள்ளிகளில் மாற்று சான்றிதழ் முறை தேவைப்படாது எனவும் பள்ளிக்கல்வித்துறை அமைச்சர் செங்கோட்டையன் தெரிவித்தார்.

ஈரோடு மாவட்டம் கோபியை அடுத்த வெள்ளாள பாளையத்தில் சிறப்பு கால்நடை பாதுகாப்புத் திட்ட முகாமைத் அமைச்சர் செங்கோட்டையன் துவங்கிவைத்தார். 

பின் செய்தியாளர்கள் சந்திப்பில் அவர் தெரிவித்ததாவது: '' பள்ளி மாணவர்களின் முழு விவரங்களை கம்ப்யூட்டரில் ஒருங்கிணைத்து மாணவர்களுக்கு ஸ்மார்ட் கார்டு வழங்கப்படவுள்ளன. ஸ்மார்ட் கார்டை பயன்படுத்தி மாணவர்களின் திறமைகள், தேர்வு மதிப்பெண்கள் உள்ளிட்டவற்றை அறியலாம். 

பள்ளியில் மாணவர்கள் எண்ணிக்கை, கல்விச்சூழல், ஆசியரியர்கள் விவரம் போன்றவையும் ஆகியவற்றையும் அரசு எளிதாக அறிய முடியும். ஸ்மார்ட் கார்டுகள் வந்துவிட்டால் மாற்றுச் சான்றிதழ்களுக்கான தேவைகள் இருக்காது. ஒருங்கிணைக்கப்படும் தகவல்கள் மூலம் ஆசிரியர் பற்றாக்குறை உள்ளிட்ட விவரங்கள் பெறப்பட்டு தீர்வு காண வழிவகை ஏற்படும். இவ்வாறு அவர் தெரிவித்தார்.

ஜூன் 8ல் ரூபாய் நோட்டு வாபஸ் குறித்து உர்ஜித் பட்டேல் விளக்கம்

புதுடில்லி: ஜூன் 8ம் தேதி, பார்லி., குழுவிடம் ரூபாய் நோட்டு வாபஸ் குறித்து, உர்ஜித் பட்டேல் விளக்கமளிக்க உள்ளார்.

ரூபாய் நோட்டு வாபஸ் குறித்து ரிசர்வ் வங்கியின் கவர்னர் உர்ஜித் பட்டேல், பார்லி., குழுவினரிடம் ஜூன் 8ம் தேதி, இரண்டாவது முறையாக விளக்கமளிக்க உள்ளார். முன்னதாக மே 25ல் ரூபாய் நோட்டு வாபஸ் குறித்து விளக்கமளிப்பதாக இருந்த நிலையில் தேதி மாற்றியமைக்கப்பட்டுள்ளது. இந்த பார்லி., குழுவில் முக்கிய உறுப்பினராக முன்னாள் ரிசர்வ் வங்கி கவர்னர் மன்மோகன் சிங் உள்ளார்.

கடந்த ஜனவரி மாதம், முன்னாள் மத்திய அமைச்சரும் காங்., மூத்த தலைவருமான வீரப்ப மொய்லி தலைமையில் நடந்த விளக்கக் கூட்டத்தில் உர்ஜித் பட்டேல் விளக்கமளித்திருந்தது குறிப்பிடத்தக்கது.

Middle School HM - Transfer- Seniority list published for All Districts
click here:

https://drive.google.com/file/d/0B9vI3zgChya6R1RzZjhMenJKQzA/view

தொடக்க, நடுநிலைப் பள்ளிக்கு 40 ஆயிரம் தூய தமிழ் அகராதிகள்

அரசு மற்றும் உதவிபெறும் தொடக்க, நடுநிலைப் பள்ளிகளுக்கு இந்த கல்வியாண்டில் 40 ஆயிரம் துாய தமிழ் அகராதிகள் வழங்கப்பட உள்ளன. தாய்மொழி பற்றை வளர்க்க, நல்ல தமிழ் சொற்கள் கொண்ட அகராதி தயாரிப்பதற்கு, சொற்பிறப்பியல் அகரமுதலி திட்ட இயக்குனர் தலைமையில் வல்லுனர் குழு அமைக்கப்பட்டது. 

அக்குழு பரிந்துரையில் ஒன்று முதல் ஐந்தாம் வகுப்பு வரை பயிலும் மாணவர்களுக்கு கற்பிக்கும் வகையில் துாய தமிழ் அகராதியை தமிழறிஞர்கள் தயாரித்து உள்ளனர். இதில், வண்ணப்படங்களுடன் ஏராளமான தமிழ்சொற்கள் இடம்பெற்றுள்ளன. அரசு மற்றும் உதவிபெறும் பள்ளிகளுக்கு 40 ஆயிரம் அகராதிகள் இலவசமாக வழங்கப்படுகின்றன. குறிப்பிட்ட பாடவேளையில் மாணவர்களுக்கு துாய தமிழ்ச் சொற்கள் கற்பிக்கப்படும். இந்த அகராதிகள் தற்போது உதவி தொடக்கக் கல்வி அலுவலகங்களுக்கு அனுப்பப்பட்டு வருகின்றன.

கல்வித்துறை அதிகாரி ஒருவர் கூறியதாவது: தற்போது தமிழ்மொழியில் அதிகளவில் வடமொழி, ஆங்கிலச் சொற்கள் கலந்துள்ளன. அவற்றையே தமிழ்சொற்களாக பாவிக்கும் நிலை உள்ளது. இதனால் பிறமொழி கலக்காத துாய தமிழ்சொற்களை ஆரம்பக் கட்டத்திலேயே மாணவர்களுக்கு கற்பிக்க ஏற்பாடு செய்யப்பட்டுள்ளது என்றார்.

ஊதியக் குழு ஊதிய மாற்றம்- ஊதியக் குழு அறிக்கைக்கு முன் ஊதிய மாற்றம் செய்தல் தொடர்பான பரிசீலனைக்கு தமிழக அரசு அனைத்து துறை விபரம் கோரியுள்ளது

01.05. 2017 அன்று பணியாற்றுவோர் விபரம், ஊதிய விபரம் ,ஊதியம் பெறுவோர் விபரம் காலி பணியிட விபரம், 2017 முதல் 2022 வரை ஓய்வு பெறுவோர் விபரம் , தர ஊதிய அடிப்படையில் வெவ்வேறு நிலைகளில் வீட்டுவாடகை படி பெறுவோர் ஆகிய விபரம் கோரியுள்ளது

அனைத்து துறை அலுவலர்களும் நண்பர்களும் உடனடியாக உரிய விபரம் அளித்திட நடவடிக்கை மேற்கொள்ளுமாறு கேட்டுக் கொள்ளப்படுகிறது...

அரசு ஊழியர்களுக்கு வருமான வரிக் கணக்கீடு எப்படி?

‘வருமான வரிதானே... பிப்ரவரி மாதம் வரட்டும்; பார்த்துக்கொள்ளலாம்’ என்றுஎண்ணிக் கொண்டிருந்த காலம் மலையேறிவிட்டது. காரணம், அப்போது வருமானம் குறைவு. எனவே, வரி செலுத்தவேண்டிய கட்டாயம் பலருக்கும்இல்லை. ஆனால் இப்போது கால ஓட்டமும், ஊதிய நிலைகளில்

ஏற்பட்ட மாற்றமும் சேர்ந்து, பணியாளர்களுக்கான சம்பளத்தைக் குறிப்பிடத்தக்க அளவுக்கு உயர்த்தியுள்ளதால், வரி கட்ட வேண்டிய நிலைக்குபலரும் உயர்ந்துள்ளனர்.

அரசு ஊழியர்களில் பலர் இப்போது வருமான வரி கட்டுபவர்களாக மாறியிருக்கிறார்கள். தமிழக அரசு ஊழியர்களுக்குப் பரிசீலனையில் உள்ளஊதியச் சீரமைப்புக்குழு அறிக்கை நடைமுறைக்கு வரும்போது, இன்னும் பலர்வரி வட்டத்துக்குள் வந்துவிடக்கூடும். முன்பு ஆண்டுக்கொருமுறை கட்டியவருமான வரியை தற்போது மாதம்தோறும் கொஞ்சம் கொஞ்சமாக ஒதுக்கீடுசெய்ய வேண்டிய நிலைக்கு வந்துவிட்டோம். 

ஊதியமும் ஓய்வூதியமும் ஒன்றே

வருமான வரிக் கணக்கீட்டைப் பொறுத்தவரை, ஊதியமும், ஓய்வூதியமும்ஒன்றுதான். மூத்தக் குடிமக்களுக்கான வருமான வரி வரம்பு வேறுபடும்.அதுவும் ஐந்து லட்சம் ரூபாய்க்கு மேற்பட்ட ஊதியம் மற்றும் ஓய்வூதியத்துக்குவரி விகிதம் ஒரே மாதிரியே இருக்கும்.

பணியில் உள்ள ஊழியருக்கு, அவருக்குச் சம்பளம் வழங்கும் அலுவலர்ஒவ்வொரு நிதியாண்டுக்கான வருமான வரியைக் கணக்கிட்டு டிடிஎஸ்பிடிப்பார். ஓய்வு பெற்று ஓய்வூதியம் பெற ஆரம்பித்தபிறகு, ஓய்வூதியம்வழங்கும் அலுவலர் வருமான வரியைக் கணக்கிட்டு வரி பிடிப்பார்.

சார்நிலைக் கருவூல அலுவலர், உதவிக் கருவூல அலுவலர், மாவட்டக் கருவூலஅலுவலர் எனப் பதவிப் பெயர்கள் பலவாக இருப்பினும், சம்பளம் மற்றும்ஓய்வூதியம் வழங்கும் வேலையை இந்த அலுவலர்கள் செய்து வருகின்றனர்.சென்னையைப் பொறுத்தவரை, ஓய்வூதியம் வழங்குவதற்கென்றே அலுவலர்உள்ளார்.

இருவகை வருமான வரிக் கணக்கீடு

டியூ பேசிஸ் (Due basis) மற்றும் டிரான் பேசிஸ் (Drawn basis) என இருவகையாக வருமான வரி கணக்கிடப்படக்கூடும். அதாவது, ஒரு நிதியாண்டுமுழுக்க ஒருவர் பெறக்கூடிய அனைத்து வருவாய் இனங்களையும் கணக்கிட்டு,அதற்கான வருமான வரியை மார்ச் தொடங்கி பிப்ரவரி முடிய 12 மாதசமதவணைகளில் பிடித்தம் செய்வது டியூ பேசிஸ். வருமான வரியைக் கணக்கிடமுடியாத இனங்கள், நிலுவை வரவுகள் போன்றவை முன்பே கணக்கில்எடுத்துக்கொள்ளப்படாமல் இருந்தால், அவற்றைப் பட்டுவாடா செய்யும்போதுவரியைப் பிடித்து விடுவது டிரான் பேசிஸ்

டியூ பேசிஸ் அல்லது டிரான் பேசிஸ் இவற்றுள் எது முன்போ, அப்போதே வரிப்பிடித்தம் செய்ய வேண்டும் என்பதே டிடிஎஸ் விதிமுறை.

இவ்வாறு செய்வதால், ஒரு குறிப்பிட்ட தேதியில் வரி செலுத்தவேண்டியவரிடமிருந்து பிடித்தம் செய்ய வேண்டிய வரி, நிலுவை இல்லாமல்அரசுக் கணக்கில் போய்ச் சேர்ந்துவிடும்.

ஓய்வு பெறுவோர்

பணியிலிருந்து ஓய்வு பெறுவோர், 1. பணிக்கொடை, இறப்புப் பணிக்கொடைமற்றும் ஓய்வுப் பணிக்கொடை, 2. ஓய்வூதியம் கணக்கீடு, 3. ஈட்டிய விடுப்புஒப்படை ஊதியம், 4. சொந்தக் காரணங்களுக்கான ஈட்டாத விடுப்பு ஊதியம்ஆகிய நான்கு பணப் பயன்களைப் பெறுவார்கள். இவற்றுள் முதல் மூன்றுஇனங்கள் வருமான வரி விலக்குப் பெற்றவை. நான்காவது இனமாக உள்ளமூன்று மாத கால ஈட்டாத விடுப்பு ஊதியம், வருமான வரிக்கு உட்பட்டது.எனவே, பணியிலிருந்து ஓய்வு பெறுவோருக்கான வருமான வரிக் கணக்கீடுபின்வருமாறு அமையும்.

ஊழியர் ஒருவர் 28.02.2018 அன்று ஓய்வு பெற உள்ளதாகவைத்துக்கொள்வோம். 2017-2018-க்கான இவரது வருமான வரியை மார்ச்2017-லேயே கணக்கிட வேண்டும். அந்தக் கணக்கீடு பின்வருமாறு இருக்கும்.

1. மார்ச் 2017 முதல் பிப்ரவரி 2018 வரை பெற உள்ள ஊதியம், 2. மார்ச் 2018அன்று பெறத்தக்க மூன்று மாத கால ஈட்டாத விடுப்பு ஊதியம். மேற்கண்டஇரண்டு இனங்களின் கூட்டுத் தொகைக்கு வரியைக் கணக்கிட்டு, மார்ச் 2017முதல் பிப்ரவரி 2018 முடிய சம்பளம் வழங்கும் அலுவலர் பிடிக்க வேண்டும்.

மார்ச் 2018 முதல் அவர் ஓய்வூதியம் பெற ஆரம்பித்துவிடுவார். அப்போது, 2018-19-ம் நிதியாண்டுக்கான வருமான வரியானது, அவர் பெறப்போகும்ஓய்வூதியத்தின் கூட்டுத்தொகைக்குக் கணக்கிடப்பட்டு, ஓய்வூதியம் வழங்கும்அலுவலரால் பிடித்தம் செய்யப்படும்.

இன்னொரு உதாரணத்தைப் பார்ப்போம். இன்னொரு ஊழியர் 31.10.2017 ல்ஓய்வு பெறுவதாக வைத்துக்கொள்வோம். 2017-2018-ம் ஆண்டுக்கான இவரதுவருமான வரிக் கணக்கீடு, பின்வரும் இனங்களின் கூட்டுத் தொகைக்குரியதாகஇருக்கும்.

1. மார்ச் 2017 முதல் அக்டோபர் 2017 வரை பெறப்போகும் ஊதியம், 2.நவம்பர் 2017 முதல் பிப்ரவரி 2018 வரை பெற உள்ள ஓய்வூதியம், 3. 1.11.2017 அன்று பெறத்தக்க மூன்று மாத கால ஈட்டாத விடுப்பு ஊதியம்.இதற்கான வருமான வரி, 12 சம தவணைகளில் மார்ச் 2017 ஊதியம்தொடங்கிப் பிடித்தம் செய்யப்படும்.

21.11.2017 அன்று அவர் பணியிலிருந்து விடுபட்டு செல்லும்போது,அக்டோபர் 2017 வரையிலான காலத்தில் அவரிடமிருந்து பிடித்தம்செய்யப்பட்ட வரி மற்றும் நிலுவையாக உள்ள வரி பற்றிய சான்று ஒன்றைசம்பளம் வழங்கும் அலுவலர் வழங்க வேண்டும். இந்தச் சான்றின்அடிப்படையில், மீதமுள்ள வருமான வரி இவரது ஓய்வூதியத்திலிருந்து,ஓய்வூதியம் வழங்கும் அலுவலரால் பிடித்தம் செய்யப்படும்.

தவிர்க்க முடியாத நிர்வாகக் காரணங்களினால் இவரது ஈட்டாத விடுப்பு ஊதியத்தொகையை முன்கூட்டியே கணக்கிட முடியாதபோது, விடுப்பு ஊதியம் தவிர்த்துமற்ற இடங்களின் மீதான வரியைக் கணக்கிட்டுப் பிடித்தம் செய்யப்படும்.பின்னர், விடுப்பு ஊதியம் கணக்கிடப்பட்டு வரி சீரமைக்கப்படும். அல்லது காலம்தாழ்ந்து விடுப்பு ஊதியம் வழங்கப்படுமானால், அப்போதே வரி பிடித்தம்செய்யப்படும். விடுப்பு ஊதியம் மூன்று மாதங்களுக்குக் குறைவாகவும்இருக்கலாம்.

மறுவேலைவாய்ப்பு

ஆசிரியர்களுக்கு மறுவேலை வாய்ப்பு (Re-Employment) என்ற சலுகைஉண்டு. அதாவது, ஓர் ஆசிரியரின் ஓய்வு பெறும் நாள் 31.12.2017 என்றுவைத்துக் கொள்வோம். மற்ற அரசு ஊழியர் களைப் போல் ஓய்வுபெற்ற அன்றேஆசிரியர், பணியிலிருந்து விடுவிக்கப் பட்டுச் சென்றுவிடுவது கிடையாது.

ஓய்வு பெறும் மாதம் எதுவாக இருந்தாலும், ஆசிரியர்கள் அந்த கல்வியாண்டின்கடைசி நாள் வரை பணியில் தொடர அனுமதிக்கப் படுகிறார்கள். கல்வியாண்டுஎன்பது ஜூன் முதல் நாள் தொடங்கி மே 31 வரை ஆகும். இதன்படிமேற்சொன்ன ஆசிரியர் 31.12.2017 அன்று ஓய்வு பெற்றிருந்தாலும்01.01.2018 முதல் 31.05.2018 முடிய பணியில் தொடர்ந்து நீடிப்பார். இதுஅவரது மறுவேலை வாய்ப்புக் காலம் ஆகும்.

மறுவேலைவாய்ப்புக் கால ஊதியம் என்பது, அவர் ஓய்வுபெற்ற கடைசிமாதமான 2017 டிசம்பரில் பெற்ற ஊதியத்திலிருந்து, 01.01.2018 முதல் அவர்பெறப்போகும் ஓய்வூதியத்தைக் கழித்தால் கிடைப்பது. இன்னும் சுருக்கமாகச்சொல்வதென்றால், ஒருவர் ஜனவரி 2018-ல் பெறப்போகும் மறுவேலைவாய்ப்புஊதியமும், ஜனவரி 2018-ல் பெற உள்ள ஓய்வூதியமும் சேர்த்துதான் டிசம்பர்2017-க்கான அவரது ஊதியம் ஆகும். அதன்படி 2017-2018 நிதியாண்டுக்கானஅந்த ஆசிரியரின் வருமான வரி, பின்வரும் இனங்களின் கூட்டுத் தொகைக்குக்கணக்கிடப்பட வேண்டும்.

1. மார்ச் 2017 முதல் டிசம்பர் 2017 வரை பெறும் ஊதியம், 2. ஜனவரி 2018முதல் பிப்ரவரி 2018 வரை பெறப்போகும் மறுவேலைவாய்ப்பு ஊதியம், 3.ஜனவரி 2018 பிப்ரவரி 2018 ஆகிய இரு மாதங்களுக்குரிய ஓய்வூதியம், 4.ஓய்வு பெற்ற மறுநாளுக்குப்பின் அவர் பெறத்தக்க மூன்று மாத கால ஈட்டாதவிடுப்பு ஊதியம். இவற்றுக்கான வருமான வரி மார்ச் 2017 முதல் பிப்ரவரி2018 வரை சம்பளம் வழங்கும் அலுவலரால் பிடித்தம் செய்யப்படும்.

இவர் 31.05.2018 வரை மறுவேலை வாய்ப்பில் - பணியில் தொடர்வதால்2018-2019-க்கான வருமான வரிக் கணக்கீடும் இதே சம்பளம் வழங்கும்அலுவலரால் கணக்கிடப்படக்கூடும். அது பின்கண்டவாறு இருக்கும்.

1. மார்ச் 2018 முதல் மே 2018 முடிய பெற உள்ள மறுவேலைவாய்ப்பு ஊதியம், 2. ஏப்ரல் 2018 முதல் பிப்ரவரி 2019 வரை பெறப்போகும் ஓய்வூதியம்.

குறிப்பு: மறுவேலைவாய்ப்பு காலத்தில் வழங்கப்படும் ஓய்வூதியத்துடன் அகவிலைப்படி வழங்கப்படாது. மறுவேலை வாய்ப்பு முடிந்து, ஓய்வூதியம்மட்டும் பெறும் ஜூன் 2018 முதல் ஓய்வூதியத்துடன் அகவிலைப்படி +மருத்துவப்படி சேர்த்துத் தரப்படும். வரிசை எண் 1 + 2-ல் கண்ட தொகைக்குவரியைக் கணக்கிட்டு, அதை 12 சம தவணைகளாக்கி மார்ச் 2018 முதல் மே2018 வரை, சம்பளம் வழங்கும் அலுவலரே பிடித்தம் செய்துவிடுவார். ஜூன்2018 முதல் இவரது வருமான வரிக் கணக்கீடு, இவர் ஓய்வூதியம் பெற தேர்வுசெய்துள்ள ஓய்வூதியம் வழங்கும் அலுவலரால் மேற்கொள்ளப்பட்டு, பிடித்தம்செய்யப்படும்.

ஊதியம் + ஓய்வூதியம் + மறுவேலை வாய்ப்பு ஊதியம் + விடுப்புஊதியங்களை வருமான வரிக்குக் கணக்கிட்டு, அதை 12 தவணைகளில் பிடித்தம்செய்ய வேண்டும் என்பதும் கட்டாயம் கடைப்பிடிக்க வேண்டிய விதிமுறை.அரசு ஊழியர்கள் இந்த வரிக் கணக்கீடுகளைப் புரிந்து கொண்டால், வரிகட்டுவது சுமையாக இருக்காது.

tamil jumble words

இணைய உலகை அச்சுறுத்தும் ‘ரான்சம்வேர்’ வைரஸ்: செய்ய வேண்டியது, செய்யக்கூடாதது என்ன??

சமீபத்தில் உலகம் முழுவதும் மருத்துவமனை மற்றும் தொழிற்சாலை சர்வர்களை பதம்பார்த்துள்ள ‘ரான்சம்வேர்’ வைரஸ் தாக்குதலில் இருந்து தற்காத்துக் கொள்வதற்கான வழி முறைகளை கணினி தொழில்நுட்ப வல்லுநர்கள் வெளியிட்டுள்ளனர்.

அமெரிக்காவின் தேசிய பாதுகாப்பு முகமை (என்.எஸ்.ஏ.), உருவாக்கிய, இணையவழி தாக்குதல் ‘டூல்’களை 
(கருவிகளை) கொண்டு, உலகின் சுமார் 100 நாடுகளில் உள்ள நிறுவனங்கள் மற்றும் பல்வேறு அமைப்புகளின் கணினிகளில் ‘ரான்சம்வேர்’ வைரஸ் மூலம் இணைய தாக்குதல் நடத்தப்பட்டிருப்பது பெரும் அதிர்வுகளை ஏற்படுத்தி உள்ளது.

இந்த ரான்சம்வேர் வைரஸ் தாக்குதலால், இந்தியா, ஸ்பெயின், இங்கிலாந்து, ரஷியா என கிட்டத்தட்ட 100 நாடுகள் பெரும் பாதிப்புக்குள்ளாகி இருக்கின்றன. இங்கிலாந்தில் மருத்துவ சேவைகள் பெரிதும் பாதிப்புக்குள்ளாகின. இந்த தாக்குதலுக்கு காரணமானவர்கள் யார் என்பது இன்னும் கண்டுபிடிக்கப்படவில்லை.

இங்கிலாந்து நாட்டைச் சேர்ந்த ‘மால்வேர் டெக்’ என்னும் பாதுகாப்பு அமைப்பின் ஆராய்ச்சியாளர்கள், ஓரளவு இந்த வைரஸ் தாக்குதலை கட்டுக்குள் கொண்டு வந்துள்ளனர். அதே நேரத்தில் இன்னுமொரு இணைய தாக்குதல் நடத்தப்படுவது தவிர்க்க முடியாத ஒன்றாக இருப்பதாக அவர்கள் கணித்துள்ளனர். அந்த தாக்குதல் அனேகமாக இன்று நடைபெறலாம் எனவும் அவர்கள் யூகித்துள்ளனர்.

இந்நிலையில், இந்த வைரஸ் தாக்குதலில் இருந்து தற்காத்துக்கொள்வதற்கான பாதுகாப்பு வழிமுறைகளை கணினி தொழில்நுட்ப வல்லுநர்கள் தெரிவித்துள்ளனர். அதில்,

1. கணினியின் இயங்கு தளமான (ஆபரேடிங் சிஸ்டம்) விண்டோஸ் பழைய வெர்சனாக இருந்தால் அதை தற்போது உள்ள புதிய வெர்சனுக்கு (விண்டோஸ் 10) ஏற்றது போல அப்டேட் செய்து கொள்ள வேண்டும்.

2. ஒருவேளை நீங்கள் பழைய ஆபரேடிங் சிஸ்டமை (விண்டோஸ் XP, 7, விஸ்டா) பயன்படுத்தி வந்தால், தற்போது மைக்ரோசாப்ட் நிறுவனம் அதற்கான அவசர பாதுகாப்பு இணைப்பை உருவாக்கியுள்ளது. அதை டவுன்லோடு செய்து இன்ஸ்டால் செய்து கொள்ளுங்கள்.

3. கணினியில் இன்ஸ்டால் செய்யப்பட்டுள்ள ஆண்டி வைரஸ் உள்ளிட்ட முக்கிய சாப்ட்வேர்களை தற்போது வரை சரியான அப்டேட்களை செய்து கொள்ள வேண்டும்.

4. கணினியில் இணைய வசதிகளை கொண்டிருக்கும் பட்சத்தில் முக்கியமாக பயர்வால் (firewall) வசதியை கண்டிப்பாக ஆக்டிவ் செய்ய வேண்டும். ஆக்டிவாக இருந்தாலும் இணைய வழி ஊடுருவலை தடுக்கும் வகையில் பயர்வால் அமைப்புகளை (setting) மாற்றி வைத்துக் கொள்ளுங்கள்.

5. சர்வரில் இருந்து தகவல்களை அனுப்பும் அமைப்பை தற்காலிகமாக செயலிழக்க செய்யுமாறு மைக்ரோசாப்ட் நிறுவனம் அறிவுறுத்தியுள்ளது.

6. கணினியில் உள்ள தேவையான தகவல்களை பேக்அப் (Backup) செய்து கொள்ள வேண்டும். இதன் மூலம் தகவல்கல் இழப்பை தடுக்கலாம்.

7. முன் அறிமுகம் இல்லாத நபர்களிடமிருந்து வரும் இ-மெயில் தகவல்களை திறந்து வாசிக்க முயற்சிக்க வேண்டாம். விளம்பரம் உள்ளிட்ட தேவையற்ற இ-மெயில்களிடமிருந்து விலகியிருப்பது நல்லது.

கணினியை ஆன் செய்வதற்கு முன்பாக செய்ய வேண்டியவை:

1. கணினியின் சர்வர் மற்றும் நெட்வொர்க் ஸ்விட்சுகளின் இணைப்பை துண்டிக்க வேண்டும்.

2. வை-பை இணைப்பு, லேன் (LAN) இணைப்பு, ரூட்டர்கள் ஆகியவற்றை துண்டித்து ஆப் செய்து வைக்க வேண்டும்.

3. ஸ்மார்ட் டி.வி, டேப்லட், மொபைல் போன்கள் ஆகியவற்றையும் ஆப் செய்து வைக்க வேண்டும்.

4. கணினி, மொபைல் ஆகியவற்றில் ப்ளூ டூத், ஹாட்ஸ்பாட் ஆகியவற்றை ஆன் செய்ய வேண்டாம்.

5. இந்த வைரஸ் தாக்குதலில் இருந்து தப்பிக்க சிறிது நாட்களுக்கு இணைய இணைப்பை பயன்படுத்தாமல் இருக்கலாம்.

மேற்கண்ட அனைத்தையும் செய்யாமல் உங்களது மொபைல், கணினி, ஸ்மார்ட் டி.வி, டேப்லட் ஆகியவற்றை ஆன் செய்ய வேண்டாம் என தொழில்நுட்ப வல்லுநர்கள் எச்சரித்துள்ளனர்

தமிழகத்தில் 7 வது ஊதியக்குழு இன்று கூடி முக்கிய முடிவுகள் எடுக்கப்பட்டுள்ளன !!

7 ஆவது ஊதியக்குழு பரிந்துரை ஆலோசனைக்கூட்டம் நிதித்துறை கூடுதல் செயலர் சண்முகம் தலைமையில் இன்று நடைபெற்றது.*

*இதில் தமிழக அரசின் தற்போதைய ஊதியம்,ஓய்வூதிய விகிதங்கள் குறித்து ஆலோசனை செய்யப்பட்டது.*


*மேலும் வரும் மே 26,27 மற்றும் ஜூன் 2,3 ஆகிய தேதிகளில் அங்கீகரிக்கப்பட்ட  மற்றும் அங்கிகரிக்கப்படாத அலுவலர் மற்றும் ஓய்வூதிய நிர்வாகிகளிடமும் ஆலோசனை நடத்த திட்டமிடப்பட்டுள்ளது.

தமிழில் வரும் பிழைகளை திருத்தும் புதிய மென்பொருள் அரசு அலுவலகங்களுக்கு வழங்கப்பட உள்ளது !!

இதுகுறித்து தமிழக அரசு வெளியிட்டுள்ள செய்தி குறிப்பில் கூறப்பட்டு இருப்பதாவது:-

கம்ப்யூட்டரில் ஆங்கில மொழிக்கென பிழை திருத்தி, சொல் திருத்தி வசதிகள் இருப்பதை போல், தமிழில் இலக்கண பிழைகள் இன்றி எழுதும் வகையிலும், தவறுகளை தானே சுட்டிக்காட்டி திருத்திக்கொள்ளும் வகையிலும், எழுத்துருக்களை மாற்றிக்கொள்ளும் வசதியுடன் ‘அம்மா மென்தமிழ்ச் சொல்லாளர்’ என்ற புதிய மென்பொருள் (சாப்ட்வேர்) உருவாக்கப்பட்டு உள்ளது.


இந்த மென்பொருள் ஒன்றின் விலை 300 ரூபாய் ஆகும். இதனை அனைத்து அரசு அலுவலகங்களுக்கும் விலையில்லாமல் வழங்கும் திட்டத்தின் முதல்கட்டமாக, 30 லட்சம் ரூபாய் செலவில் 10 ஆயிரம் தமிழ் மென்பொருள் தமிழ் வளர்ச்சித் துறையால் அனைத்து அரசு அலுவலகங்களுக்கும் வழங்கப்பட உள்ளது.

*முதல்-அமைச்சர் வெளியிட்டார்*

முதல்-அமைச்சர் எடப்பாடி பழனிசாமி சென்னை தலைமைச் செயலகத்தில் நடந்த நிகழ்ச்சியில், ‘அம்மா மென்தமிழ்ச் சொல்லாளர்’ தமிழ் மென்பொருள் குறுந்தகட்டை வெளியிட்டார்.

அரசு பள்ளிகள் வீழ்ச்சிக்கு காரணம் என்ன?

சென்னை மாவட்ட பள்ளிகளின் கல்வித்தரத்தை முன்னேற்ற, கல்வித்துறை நிர்வாகத்தை சீரமைக்க வேண்டிய கட்டாயம் ஏற்பட்டுள்ளது.சென்னையை பொறுத்தவரை, தனியார் மெட்ரிக் பள்ளி, அரசு உதவி பெறும் பள்ளி, மாநகராட்சி பள்ளி என, 439 மேல்நிலை பள்ளிகள் செயல்படுகின்றன. அவற்றில், 32 மாநகராட்சி பள்ளிகளும், 21 அரசின் நேரடி பள்ளிகளும் செயல்படுகின்றன.

100 சதவீத தேர்ச்சி

இவற்றில், மாநகராட்சி பள்ளிகளில், 6,423 மாணவர்களும், அரசு பள்ளிகளில், 4,359 மாணவர்களும், பிளஸ் 2 தேர்வு எழுதியுள்ளனர். இதில், மாநகராட்சியின் இரண்டு பள்ளிகள், 100 சதவீத தேர்ச்சியை பெற்றுள்ளன. அரசு பள்ளிகளில், ஒரு பள்ளி கூட, 100 சதவீத தேர்ச்சி பெறவில்லை.

இதுகுறித்து ஆசிரியர்கள் கூறியதாவது:சென்னை மாவட்டத்தில் தனியார் மற்றும் அரசு பள்ளிகளில், பொது தேர்வு தேர்ச்சி விகிதம், கடந்த பல ஆண்டுகளாக குறைந்து வருகிறது. இதற்கு, மாவட்ட கல்வித்துறையே முக்கிய காரணம்.

மாநகராட்சி பள்ளிகளுக்கு, தனியாக கல்வி அதிகாரி நியமிக்கப்படுகிறார். இந்த பதவியில் பெரும்பாலும், ஐ.ஏ.எஸ்., அதிகாரிகளே நியமிக்கப்படுகின்றனர். அவர்களின் நேரடி கட்டுப்பாட்டில், பல்வேறு புதிய திட்டங்கள் வகுத்து, மாநகராட்சி பள்ளிகளில் பாடம் கற்றுத்தரப்

படுகிறது. அதேபோல், அரசு பள்ளிகளை விட அதிக அளவில், மாநகராட்சி பள்ளிகளில் அதிகாரிகள் ஆய்வு நடத்துகின்றனர். அதனால், அங்கு பாடம் கற்பித்தல், தேர்வு நடத்துதல்

போன்றவற்றில் தரம் உயர்கிறது.

கல்வி தரம் சரிவு

ஆனால், பள்ளிக்கல்வித்துறையின் நேரடி கட்டுப்பாட்டில் உள்ள அரசு பள்ளிகளை கவனிக்க, நான்கு மாவட்ட கல்வி அதிகாரிகளும், அவர்களுக்கு மேல், மாவட்ட முதன்மை கல்வி அதிகாரியான, சி.இ.ஓ.,வும் உள்ளனர்.ஆனால், அதிகாரிகள் பெரும்பாலும், அரசின் விழாக்கள், கல்வித்துறை கூட்டங்கள் நடத்துவது, அமைச்சரகம், செயலகம் மற்றும் அதிகாரிகளின் பணிகளை கவனிப்பது, தனியார் பள்ளிகளின் பிரச்னைகளை ஆய்வு செய்வது போன்றவற்றுக்கே நேரத்தை செலவிடுகின்றனர். அதனால், கல்வித்தரம் சரிந்து கொண்டே செல்கிறது.இவ்வாறு அவர்கள் கூறினர்.

குடோனாக பயன்படும் அரசு பள்ளி

சென்னையிலுள்ள, 21 அரசு பள்ளிகளில் அசோக்நகர், சைதாப்பேட்டை, விருகம்பாக்கம், சூளைமேடு போன்ற இடங்களில் உள்ள மகளிர் பள்ளிகளை தவிர, மற்ற பள்ளிகளில், கல்வித்தரம் குறைவாகவே உள்ளது. அவற்றில் மாணவ, மாணவியர் சேர விரும்புவதில்லை. எழும்பூரிலுள்ள அரசு ஆண்கள் மேல்நிலை பள்ளியில், மாணவர்கள் எண்ணிக்கை குறைந்ததால், அங்குள்ள வகுப்பறைகள், பள்ளிக்கல்வியின் பல்வேறு அலுவலகங்களாக மாற்றப்பட்டு உள்ளன.

இந்த பள்ளியில், ஆறாம் வகுப்பில், ஒரே ஒரு மாணவி மட்டுமே படிக்கிறார்.

எழும்பூர் மாநில மகளிர் பள்ளியிலும் மாணவியர் சேர்க்கை குறைந்ததால், அங்குள்ள கட்டடங்களும், பள்ளிக்கல்வி அலுவலகங்களாகவும், இலவச சைக்கிள் தயாரிக்கும் மையம் மற்றும் நோட்டு புத்தக குடோன்களாகவும் மாறி விட்டன.-நமது நிருபர்-

யோசனை.....!

அரசு போக்குவரத்து பணிமனை

குத்தகைக்கு விட்டால் வருவாய்

அரசு போக்குவரத்து கழகங்கள், பணிமனைகளை, தனியாருக்கு குத்தகைக்கு விட்டால், பல கோடி ரூபாய் வருவாய் கிடைக்கும் என்ற யோசனை, அரசுக்கு கூறப்பட்டு உள்ளது.

தமிழகத்தில், அரசு போக்குவரத்து கழகங்கள், நஷ்டத்தில் இயங்குவதால், ஊழியர்களுக்கு குறித்த காலத்தில் சம்பளம் வழங்க முடிவதில்லை. இதனால் தற்போது, அவர்கள் வேலை நிறுத்த போராட்டத்தில் ஈடுபட்டுள்ளனர். அரசு போக்குவரத்து கழகங்கள், லாபத்தில் செயல்பட, அத்துறையை சேர்ந்த நிபுணர்கள் கூறியதாவது:

போக்குவரத்து கழகங்கள், நஷ்டம் ஏற்படுவதை தவிர்க்க, மூன்று வழிகளை பின்பற்றலாம்.

* மஹாராஷ்டிரா மாநிலத்தில், ஒவ்வொரு நகரத்திலும், அரசு போக்குவரத்து கழகங்கள் உள்ளன. அவை, தங்கள் போக்குவரத்து 

பணிமனைகளை, தனியார் நிறுவனங்களுக்கு, குத்தகைக்கு விடுகின்றன. குத்தகை எடுப்போர், போக்குவரத்து கழகத்திடம் கட்டணத்தை செலுத்தி, டிரைவர், நடத்துனர்களை நியமித்து, பஸ்களை இயக்குகின்றனர்.ஊழியர்களுக்கான ஊதியத்தையும், குத்தகை நிறுவனங்களே வழங்குகின்றன. இதன்மூலம், அம்மாநிலத்தில் போக்குவரத்து கழகங்கள், லாபத்தில் செயல்படுகின்றன

* அரசு, பஸ் மற்றும் டிரைவர்களை வாடகைக்கு எடுக்கலாம். அதன்படி, 1 கி.மீ., துாரத்துக்கு, குறிப்பிட்ட கட்டணத்தை, பஸ் நிறுவனங்களுக்கு வழங்கினால் போதும்; அவை, பஸ்களை இயக்கும். டிரைவர்களுக்கு, தினசரி சம்பளம் வழங்கலாம்; இதனால், அதிக சுமை ஏற்படாது

* பெட்ரோல் பங்க்கை, தனியார் நடத்துகின்றன. சில இடங்களில், பொதுத்துறை எண்ணெய் நிறுவனங்களே, சொந்தமாக பெட்ரோல் பங்க் நடத்துகின்றன. அந்தபங்க்கில் பெட்ரோல் நிரப்புவது, கட்டட பராமரிப்பு என அனைத்தும், எண்ணெய் நிறுவனங்களின் பொறுப்பு. பெட்ரோல்விற்பனை செய்வது மட்டும், ஒப்பந்த ஊழியர்கள். அதே போல், போக்குவரத்து

Advertisement

கழகங்களும், பணிமனை, பஸ்களை, தனியார் மூலம் இயக்கலாம்இவ்வாறு அவர்கள் கூறினர்.

சென்னையில் தனியார் பஸ்

சென்னையில், அரசு பஸ்கள் மட்டும் இயக்கப்படுகின்றன. தனியார், பஸ் சேவை கிடையாது. போக்குவரத்து ஊழியர்களின் வேலைநிறுத்த போராட்டத்தால், தற்போது, அரசு பஸ் சேவை முடங்கியுள்ளது. இதனால், பிற மாவட்டங்களில் இருந்து வந்துள்ள, 600 தனியார் பஸ்கள், சென்னையில் இயக்கப்படுகின்றன.
குறிப்பாக, திருச்சியில் இருந்து, 40 பஸ்கள் வந்துள்ளன. அதில், 20 பஸ்கள், பிராட்வே - வண்டலுார் வழித்தடத்தில் இயக்கப்படுகின்றன.- நமது நிருபர் -

புதுடில்லி: டில்லியில் மத்திய மனித வள மேம்பாட்டு துறை அமைச்சர் பிரகாஷ் ஜவடேகர் செய்தியாளர்களிடம் கூறும்போது: புதிய பி.எட். கல்லுாரிகளுக்க இந்த அனுமதி வழங்குவதில்லை என்று முடிவுசெய்யப்பட்டுள்ளது என்றும், கல்லுாரிகளின் தரம் குறித்து அறிக்கை கேட்கப்பட்டுள்ளது. அதில் 7 ஆயிரம் கல்லுாரிகள் மட்டுமே அறிக்கை சமர்ப்பித்துள்ளது. அறிக்கை அளிக்காத 4ஆயிரம் கல்லுாரிகளுக்கு விளக்கம் கேட்டு நோட்டீஸ் அனுப்பப்பட்டுள்ளது என்றார். மேலும் அவர் கூறும்போது ஆசிரியர் பயிற்சி நிறுவனங்களை மேம்படுத்த இந்த நடவடிக்கை எடுக்கப்பட்டுள்ளது எனக்கூறினார்.

மூகதளமான, 'வாட்ஸ் ஆப்' பயன்படுத்துவோரின் தனிமனித உரிமையை பாதுகாக்கும் வகையில், இதுபோன்ற சமூகதளங்களை கண்காணிக்கும், கட்டுப்படுத்தும் புதிய வழிமுறை அறிமுகம் செய்யப்படும்' என, சுப்ரீம் கோர்ட்டில், மத்திய அரசு தெரிவித்துள்ளது.

'வாட்ஸ் ஆப்' சமூகதளத்தை, 'பேஸ்புக்' சமூகதளத்தை நடத்தி வரும், நிறுவனம் விலைக்கு வாங்கியது. அதைத் தொடர்ந்து, 2016ல் புதிய தனிநபர் கொள்கையை வாட்ஸ் ஆப் அறிவித்தது.

இதன் மூலம் பயனாளிகளின் தகவல்கள், பேஸ்புக் சமூகதளத்துடன் பகிர்ந்து கொள்ளப்படுவதாக குற்றஞ்சாட்டப்பட்டது. இது தொடர்பான வழக்கை, நீதிபதி தீபக் மிஸ்ராதலைமையிலான, ஐந்து நீதிபதிகள் அடங்கிய சுப்ரீம் கோர்ட் கோடைக்கால அமர்வு விசாரித்து வருகிறது. 

தனிநபர் தகவல்

இந்த வழக்கு, நேற்று மீண்டும் விசாரணைக்கு வந்தபோது, மத்திய அரசின் சார்பில், கூடுதல் சொலிசிட்டார் ஜெனரல் துஷார் மேத்தா கூறியதாவது: தனிமனித உரிமையை பாதுகாப்பதில் மத்திய அரசு உறுதியாக உள்ளது. வாட்ஸ் ஆப்விவகாரத்தில், இதுபோன்ற சமூகதளங்கள், தனிமனித சுதந்திரத்தை, உரிமையை பறிப்பதை தடுக்கும் வகையில், ஏற்கனவே நடவடிக்கை எடுக்கப்பட்டு வருகிறது. தனிநபர் தகவல் பகிர்ந்து கொள்வதை தடுக்கும் வகையில், தனி அமைப்பு உருவாக்கப்படும்

Advertisement

அல்லது இது தொடர்பாக தனி உத்தரவுகளை பிறப்பிக்க மத்திய அரசு தயாராக உள்ளது. இவ்வாறு அவர் கூறினார். இதற்கிடையில், 'பயனாளிகளின் எந்தத் தகவலையும், மூன்றாவது நபருக்கு அளிக்கவில்லை' என, வாட்ஸ் ஆப் நிறுவனம் நேற்று தெரிவித்தது.
இந்த வழக்கின் விசாரணையை, ஜூலை, 11க்கு, சுப்ரீம் கோர்ட் அமர்வு ஒத்திவைத்துள்ளது.

சிம்லா, 'இமாச்சல பிரதேசத்தில், வனப்பகுதியை பாதுகாக்க, புதிதாக நடப்பட்ட செடிகளை 
பாதுகாக்காத, ஊழியர்கள் மற்றும் அதிகாரிகளின் சம்பளத்தில் பிடித்தம் செய்யப்படும்' என, 

மாநில வனத்துறை உத்தரவிட்டுள்ளது.இமாச்சல பிரதேசத்தில், முதல்வர் வீர்பத்ர சிங் தலைமையிலான, காங்., ஆட்சி நடக்கிறது. 
மாநிலத்தின் வனப்பகுதியை பாதுகாக்கும் வகையில், புதிய திட்டத்தை மாநில வனத்துறை 
அறிவித்துள்ளது.இதுகுறித்து வனத்துறை சார்பில், மாநிலத்தில் உள்ள அனைத்து வனத்துறை 
அலுவலகங்களுக்கும் அனுப்பப்பட்டுள்ள உத்தரவு:வனப்பகுதியில் நடப்படும் செடிகளை, 
ஊழியர்கள் மற்றும் அதிகாரிகள் நன்கு பராமரிக்க வேண்டும். 
செடிகள் வளர்ந்து மரமாகி, பூ, காய், கனி என்று செழிப்புடன் வளர்ந்தால், அவற்றை பராமரிக்கும் ஊழியர் அல்லது அதிகாரிக்கு பதவி உயர்வும், சம்பள உயர்வும் வழங்கப்படும். மாறாக, செடிகள் அழிந்துவிட்டால், குறிப்பிட்ட ஊழியர் அல்லது அதிகாரியின் சம்பளத்தில் பிடித்தம் செய்யப்படும்.இவ்வாறு அதில் கூறப்பட்டுள்ளது.

சென்னை: தமிழகம் முழுவதும் அஞ்சலகங்களில் சேமிப்பு கணக்கு வைத்துள்ள ஒரு கோடி பேருக்கு புதிய சிப் பொருத்திய ஏ.டி.எம்., கார்டு வழங்கப்பட உள்ளதாக அஞ்சலக அதிகாரிகள் தெரிவித்தனர்.

அஞ்சலக சேவை

இந்தியா முழுவதும் 1 லட்சத்து 56 ஆயிரம் அஞ்சலகங்கள் உள்ளன. தமிழகத்தில் சென்னை, மதுரை, கோவை, திருச்சி என நான்கு மண்டலங்கள் உள்ளது. இவற்றில் 94 தலைமை அஞ்சலகங்கள் உட்பட மொத்தம் 12 ஆயிரத்து 185 அஞ்சலகங்கள் இயங்கி வருகின்றன. அஞ்சலகத்தில் தபால் மற்றும் பார்சல் சேவையுடன் வங்கி சேவைகளும், ஏ.டி.எம். வசதி, பாஸ்போர்ட்டு பெறும் வசதி என தொடங்கப்பட்டுள்ளது.

சேமிப்பு கணக்கு

அஞ்சல் துறையில் ரூ.50 இருப்புத்தொகையில் சேமிப்பு கணக்கு அறிமுகப்படுத்தப்பட்டது. அத்துடன் வாடிக்கையாளர்களுக்கு ஏ.டி.எம்., கார்டு வழங்கப்பட்டு வருகிறது. அவர்கள் அஞ்சலகத்தில் அமைக்கப்பட்டுள்ள ஏ.டி.எம்., மையத்தில் எத்தனை முறை வேண்டுமானாலும் பணம் எடுத்துக்கொள்ளலாம்; சர்வீஸ் சார்ஜ் கிடையாது என்று அறிவிக்கப்பட்டுள்ளது. இதனை அடுத்து பொதுமக்கள் அஞ்சலகங்களில் சேமிப்பு கணக்கு தொடங்குவதில் ஆர்வம் காட்டினர்.

ரூபே ஏடிஎம் கார்டு

வேலுார் மாவட்டத்தில் சுமார் 8 லட்சத்திற்கும் அதிகமான வாடிக்கையாளர்கள் உள்ளனர். அதே போல தமிழகம் முழுவதும் உள்ள அஞ்சலகங்களில், 1 கோடிக்கும் அதிகமான வாடிக்கையாளர்கள் சேமிப்பு கணக்கு வைத்துள்ளனர். இவர்களுக்கு ரூபே ஏ.டி.எம்., கார்டு வழங்கப்பட்டது.

புதிய எலெக்ட்ரானிக் சிப்-கார்டு

இந்த கார்டுகளை வாடிக்கையாளர்கள் ரெடிமேட் ஷோரூம்கள், ஓட்டல்கள், பெட்ரோல் பங்குகள் போன்றவற்றில் பயன்படுத்துவதற்கு ஏற்றாற் போல் புதிய எலெக்ட்ரானிக் சிப் பொருத்திய ஏ.டி.எம்., கார்டுகள் வழங்கப்பட இருக்கின்றன. அதை அனைத்து பயன்பாட்டிற்கும் பயன்படுத்தலாம் என அதிகாரிகள் தெரிவித்தனர்.

 ஆன்லைனில் எளிதாக ஒப்பிட்டு வாங்கலாம் வாங்க!!  காப்பீடு/இன்சூரன்ஸ் மனிதர்களால் தவிர்க்க முடியாத சில இழப்புகளை இன்சூரன்ஸ் (காப்பீடு) மூலம் ஈடுசெய்ய முடியும். வாழ்க்கை என்பது நிலையற்ற ஒன்று என்பதை நாம் அனைவரும் அறிந்த ஒன்று. இத்தகைய வாழ்க்கையை எந்த ஒரு கட்டத்திலும் நாம் செழிப்பான நிதிநிலையைக் கொண்டு ஈடுசெய்ய முடியும். மேலும் இக்காட்டான சூழ்நிலைகளில் வளமான நிதி நிலை, நம்முடைய பிரச்சனைகளைச் சரிபாதியாகக் குறைந்து விடும் என்பது மறுக்க முடியாத ஒன்று. இத்தகைய இன்சூரன்ஸ் திட்டத்தின் மூலம் தனிநபரின் பொருளாதார நிலையை, மேம்படுத்திக்கொள்ளும் வகையில் வீடு, கார், பைக் போன்றவற்றை வாங்கவும் உதவியாக இருக்கும். அதுமட்டும் அல்லாமல் இன்சூரன்ஸ் திட்டங்களின் மூலம் நாம் பெறும் வருமானத்திற்கான வரியையும் சேமிக்க முடியும். வாழ்வில் அனைத்துக் கட்டங்களிலும் நன்மை அளிக்கூடிய இன்சூரன்ஸ் அல்லது காப்பீட்டுத் திட்டங்களை இந்தியாவில் பல நிறுவனங்கள் அளிக்கிறது. அதை எப்படி, எவ்வாறு தேர்ந்தெடுக்கிறோம் என்பதே நம்முடைய திறமை. கார் இன்சூரன்ஸ் ஹெல்த் இன்சூரன்ஸ் அல்லது லைப் இன்சூரன்ஸ் போல் நாம் கார் இன்சூரன்ஸை தவிர்க்க முடியாது. இன்றைய நடைமுறையில் பல நிறுவனங்கள் ஆன்லைனிலேயே கார் இன்சூரன்ஸை வழங்குகிறது. இணையதளத்தில் சில கிளிக்குகளில் நாம் எளிமையாகக் கார் இன்சூரன்ஸ் அல்லாது காப்பீட்டை பெற்றுவிடலாம். மேலும் காருக்கான காப்பீட்டைப் பெறும் முன் இணையதளத்தில் பல நிறுவனங்கள் அளிக்கும் திட்டங்களை ஒப்பிட்டபின் வாங்கவும், அதுமட்டும் அல்லாமல் பழைய நிறுவனத்துடனே மீண்டும் காப்பீட்டை புதுப்பிப்பது நமக்கு அதிகளவிலான நஷ்டத்தை அளிக்கும். புதிய காப்பீட்டை பெறும் முன் மிகவும் முக்கியமாக ஐடிவி மற்றும் விபத்து காப்பீட்டு ஆகியவை அளிக்கப்படுகிறதா என்பதையும் கவனிக்க வேண்டும் கார் இன்சூரன்ஸை ஒப்பிட்டு வாங்க இதைக் கிளிக் செய்யவும்... டேம் லைப் இன்சூரன்ஸ் மக்கள் பொதுவாக டேம் லைப் இன்சூரன்ஸ் திட்டத்தையும், எண்டோவ்மன்ட் பாலிஸி திட்டத்தையும் குழப்பிக்கொள்கிறார்கள். டேம் லைப் இன்சூரன்ஸ் திட்டத்தில் முதலீட்டுத் தொகையை நீங்கள் திரும்பப்பெற இயலாதும், ஆனால் லாப அளவு மிகவும் அதிகமாக இருக்கும். மேலும் இத்திட்டத்தை மக்கள் முதலீட்டுத் திட்டமாகப் பார்க்கக் கூடாது. டேம் லைப் இன்சூரன்ஸ் திட்டத்தை ஒப்பிட்டு வாங்க இதைக் கிளிக் செய்யவும்... மணி பேக் இன்சூரன்ஸ் டேம் லைப் இன்சூரன்ஸ் பாலிஸியை வைத்துள்ள ஒருவர் மணி பேக் இன்சூரன்ஸ் திட்டத்தில் முதலீடு செய்யலாம். ஏனென்றால் வங்கி டெப்பாசிட் திட்டங்களில் முதலீடு செய்வதை விடவும் இத்திட்டத்தில் அதிக லாபம் கிடைக்கும். அதுமட்டும் அல்லாமல் இத்திட்டத்தைத் தேர்ந்தெடுப்பதன் மூலம் காப்பீட்டுதாரர்க்கு லைப் கவரும் கிடைக்கும் சிறந்த மணி பேக் இன்சூரன்ஸ் திட்டத்தை ஒப்பிட்டு வாங்க இதைக் கிளிக் செய்யவும்... குழந்தைகள் திட்டம் இன்றைய வாழ்க்கை முறையில் குழந்தைகளில் கல்விக்கான செலவுகள் ராக்கெட் வேகத்தில் உயர்ந்து வருகிறது. இத்தகைய சூழ்நிலையைச் சமாளிக்கக் குழந்தைகள் திட்டம் மிகவும் சரியான தேர்வு. விண்ணப்பதாரர் உயிர் இழந்தாலும், குழந்தைகளின் கல்வி பாதிக்காத வகையில் இத்தகைய திட்டங்கள் வடிவமைக்கப்பட்டுள்ளது. மேலும் இத்திட்டத்தின் கீழ் வரும் வருமான அனைத்தும் வரிச் சட்டம் 80டி மற்றும் சட்டம் 10டி கீழ் தள்ளுபடி கிடைக்கிறது. குழந்தைகள் திட்டத்தை ஒப்பிட்டு வாங்க இதைக் கிளிக் செய்யவும்... தீவிர உடல்நலக் குறைவு வீட்டில் ஒருவரின் தீவிர உடல்நலக் குறைவு நிலை மொத்த குடும்பத்தின் நிதிநிலையை மோசமடையச் செய்கிறது. இத்தகைய நிலையைச் சமாளிக்கத் தீவிர உடல்நலக் குறைவு திட்டத்தைத் தேர்ந்தெடுப்பது சரியான முடிவு. இதனைச் சாதாரணச் சுகாதாரக் காப்பீட்டு திட்டத்துடனும் நீங்கள் பெறலாம். தீவிர உடல்நலக் குறைவு திட்டத்தை ஒப்பிட்டு வாங்க இதைக் கிளிக் செய்யவும்... பயணக் காப்பீடு பலருக்கு இந்தப் பயணக் காப்பீட்டுத் தேவையற்றதாகத் தெரியலாம், ஆனால் வெளிநாடுகளுக்கு வருடம் ஒரு முறையாவது செல்லும் பயணிகளுக்கு இத்திட்டம் மிகவும் அத்தியாவசியமாகும். இத்திட்டத்தில் பாஸ்போர்ட் தொலைந்துபோவது, மருத்து அவசரம், உடைமைகள் காணமல் போவது போன்ற சூழ்நிலைகளில் மிகவும் பயனுள்ளதாக இருக்கும். சிறந்த பயணக் காப்பீட்டுத் திட்டத்தைத் தேர்ந்தெடுக்க இதைக் கிளிக் செய்யவும்... சுகாதாரக் காப்பீடு இன்றைய வாழ்க்கை முறையில் மருத்துவச் செலவுகள் வான் அளவு உயர்ந்துள்ளது. இதனை ஈடுசெய்யக் குடும்பத்தில் அனைவருக்கும் மருத்துவக் காப்பீடு மிகவும் அவசியமாக உள்ளது. இத்திட்டத்தைத் தேர்ந்தெடுப்பதன் மூலம் வரிச் சட்டம் 80டி வரிச் சலுகை பெறலாம். மேலும் மூத்த குடிமக்களுக்கு 20,000 ரூபாய் வரையும், மற்றவர்களுக்கு 15,000 வரையும் கிளைம் செய்துகொள்ளலாம். அதிகப் பலன் தரும் சுகாதாரக் காப்பீட்டைத் தேர்ந்தெடுக்க இதைக் கிளிக் செய்யவும்... எண்டோவ்மென்ட் பாலிஸி இது சாதாரண முதலீட்டுத் திட்டத்தைப் போலவே செயல்படுபவை, ஆயினும் இத்திட்டத்தில் லைப் இன்சூரன்ஸ் சேவையும் அளிக்கப்படுகிறது. இத்திட்டத்தில் முதலீடு செய்யப்படும் தொகை, முதலீட்டுப் பலனுடன் முதிர்வு காலத்திற்குப் பிறகு கிடைக்கும். சிறந்த எண்டோவ்மென்ட் பாலிஸி திட்டத்தை ஒப்பிட்டு வாங்க இதைக் கிளிக் செய்யவும்... இரு சக்கர வாகன காப்பீடு இந்தியாவில் கடந்த சில வருடங்களாக இரு சக்கர வாகனங்களுக்கான காப்பீடு கட்டயாமாக்கப்பட்டுள்ளது. இதன் மூலம் உங்களது வாகனத்திற்குச் சேதாரம் ஆனாலோ, காணாமல் போனாலோ, விபத்து ஏற்பட்டாலோ இழப்பை இத்திட்டம் ஈடுசெய்யும். பாதுகாப்பான இரு சக்கர வாகன காப்பீட்டை தேர்வு செய்ய இதைக் கிளிக் செய்யவும்... பென்ஷன் பிளான்/ ஒய்வுதிய திட்டம் பணியில் இருந்து ஒய்வு பெற்றபின் மீதமுள்ள வாழ்க்கையைச் சிற்பபாகவும், நிதி நெருக்கடியில் சிக்கமல் நிம்மதியாக வாழ்வு இந்தப் பென்ஷன் பிளான் உதவும். இத்திட்டத்தைச் சிறிய முதலீட்டுத் தொகை கொண்டும் துவங்கலாம், ஆனால் இத்தொகை உங்கள் ஒய்வுக்காலச் செலவுகளைச் சரி செய்யுமா என்பதை நீங்கள் தான் முடிவு செய்யவேண்டும். மேலும் வருடத்திற்கு 1.5 லட்ச ரூபாய் அளவிற்கு முதலீட செய்யப்படம் இத்திட்டம் 80சிசிசி சட்டத்தின் கீழ் வரிச் சலுகை பெறுகிறது. சரியான ஓய்வுதிய திட்டத்தைத் தேர்வு செய்ய இதைக் கிளிக் செய்யவும்... தனிநபர் விபத்துக் காப்பீடு விபத்துகளில் உயிர் இழப்பு அல்லது நிரந்தர உனம் போன்றவற்றை ஏற்பட வாய்ப்புள்ளவர்கள் இத்திட்டத்தைத் தேர்ந்தெடுக்கலாம்.